Samarqand qishloq xo`jalik instituti 1929 yilda tashkil etilgan. Institut Markaziy Osiyoning agrar sohasidagi yirik oliy o'quv yurtlaridan biridir. Batafsil

Bizning manzil 

   

 

Samarqand shahar
Mirzo Ulug'bek, 77-uy
This email address is being protected from spambots. You need JavaScript enabled to view it.
This email address is being protected from spambots. You need JavaScript enabled to view it.
Ishonch telefoni:
+99866-234-01-00

Ko'zi nuri pastlar uchun sayt versiyasi 

PosterAcademica2

postermind

Hozir saytda 

We have 101 guests and no members online

Facebook

Genetika, seleksiya va urug'chilik kafedrasi

Ergashev Ibragim Tashkentovich 

Qishloq xo'jalik fanlari doktori kafedra mudiri

Umumiy ma’lumotlar:

        Manzil: Samarqand, 140103.Mirzo-Ulug’bek 77, SamQXI,

Agronomiya fakulteti binosi 1-korpus

e-mail: This email address is being protected from spambots. You need JavaScript enabled to view it.

 

 

Kafedraning shakllanishida bir necha yirik olimlar –professorlar K.N.Danilevskiy, Ya.T.Momot, Ye.P.Gorelov, dosent T.S.Safarov, R.A.Abdullayev va boshkalarning xizmatlari katta. Professor Ya.G.Momot Respublikada yagona yaratilgan va ekilib keladigan saflorning (maxsar) Milyutinskiy-114 va zigirning Baxmalskiy – 32 navlarini muallifidir.

«Genetika,seleksiya va urug'chilik» kafedrasi 1985 yilda tashkil etilgan bo'lib, qisqa davr mobaynida ilg'or kafedralar safidan joy oldi. Bu davrda kafedraga shu kafedrani tashkil qilgan professor D.T.Abdukarimov raxbarlik qildi.

Kafedra alohida bo'lib ajralguniga qadar «O'simlikshunoslik, seleksiya va urug'chilik» kafedrasi, «Paxtachilik, seleksiya va urug'chilik» kafedrasi, «Seleksiya,urug'chilik va meva sabzavotchilik» kabi kafedra nomlari bilan faoliyat ko'rsatgan. Hozirgi kunda kafedra “Qishloq xo'jalik ekinlari genetikasi seleksiyasi va urug'chiligi” nomi bilan yuritiladi.

“Qishloq xo'jalik ekinlari genetikasi seleksiyasi va urug'chiligi” fanlarini zamon talablari darajasida ilmiy va amaliy jihatdan boyitish, ilmiy tadqiqot ishlarini kengaytirish hamda chuqurlashtirish, o'qitish jaroyonlarini yangi pog'onaga ko'tarish, uslubiy ishlar, darsliklar va tavsiyalar, chuqur ilmiy-amaliy xulosalarga asoslangan maqolalar yoritish kafedra jamoasi oldidagi dolzarb vazifalarni tashkil etdi. Natijada kafedrada Respublikamiz va xorijiy mamalakatlar ilmiy muassasalari bilan xamkorlik kuchayib, kartoshkachilik, g'allachilik, moyli va yangi o'simliklar bilan chuqur tadqiqotlar olib borildi, ularning seleksiya ishlari, urug'chiligi va o'stirish -ning texnologik usullari ishlab chiqildi. Shu davrda kartoshka, bug'doy, arpa kabi ekinlarning serxosil navlari yaratildi.

Xozirda kafedrani fan doktori, professor I.T.Ergashev boshqarib kelmoqda. Kafedrada k.x.f.doktorlari, professorlar D.T.Abdukarimov, X.Xodjaqulov, dosentlar M.K.Lukov, A.A.Elmuradov, U.Qarshiyeva, assistentlar X.Bekmuradova, G'.G'aybullaev, F. Obloqulov, I.Xaydarov, A.Ismoilov va boshqalar faoliyat ko'rsatmoqdalar. Kafedrada bir necha magistr va talabalar Respublika Prezidenti stipendiati sovrindori bo'lgan.

Kafedra professori T.X.Xodjakulov va dosent U.Qarshiyevalar tomonidan Respublika tuproq iqlim sharoiti uchun mos bo'lgan boshoqli don ekinlarining yangi navlarini yaratish, urug'chiligini tashkillashtirish va yetishtirish texnologiyasini takomillashtirish borasidagi ishlari ishlab chiqarishda keng qo'llanilmoqda. D.T.Abdukarimov raxbarligida kartoshka ekini seleksiyasi, urug'chiligi va yuqori hosil olish texnologiyasi soxasida ilmiy tadqiqot ishlari olib borilishi bilan kafedra magistrantlari, dosent M.K.Lukov tomonidan Respublikada kungaboqarning yuqori va sifatli xosil beradigan navlarini tanlash, urug'chiligi va samarali yetishtirish texnologiyasini ishlab chiqishga qaratilgan ilmiy tadqiqot ishlari davom ettirilmoqda va shu bilan birga dosent A.A.Elmuradov tomonidan topinambur (yer noki) seleksiyasi va yetishtirish texnologiyasini ishlab chiqishga qaratilgan ilmiy izlanishlar bajarilmoqda. Professorlar T.E.Ostonaqulov, N.X.Xalilov, I.T.Ergashev, dotsent P.Bobomirzaev va assistent G'.G'aybullaevlar tomonidan yumshoq bug'doyning Jasmina navi Davlat nav sinoviga topshirilib istiqbolli nav sifatida tan olindi va ishlab chiqarishga joriy etildi. Professorlar T.E.Ostonaqulov, D.T.Abdukarimov, I.T.Ergashev va dotsent M.K.Lukovlar tomonidan kartoshkaning Surxon 1 navi konkurs nav sinoviga topshirildi.

Kafedrada qishloq xo'jalik ekinlari seleksiyasi, urug'chiligi va o'stirish texnologiyasi soxasida respublikamiz va xorijiy davlatlar olimlari tomonidan tan olgan, tarkibida 7 ta fan doktori va 28 dan ortik fan nomzodlaridan iborat katta ilmiy pedagogik potensialga ega bo'lgan ilmiy maktab yaratilgan. Ular tomonidan qishloq xo'jalik ekinlarining yangi navlarini yaratish (kartoshkaning Zarafshon, Spitamen, Baxro-30, Kuvonch-1656, Xamkor-1150, bugdoyning Sherdor, Ulug'bek 600, O'zbekiston – 1, arpaning Afrosiyob, Marokanda, Temur va boshqa) urug'chiligini jadallashtirish, yuqori va arzon maxsulot yetishtirish soxalarida katta izlanishlar olib borib ishlab chiqarishga tavsiyalar tayyorlab berilmoqda. Bunday usullar va texnologiyalar xozirgi paytda ishlab chiqarishga keng joriy etilgan. Kafedra a’zolari xorijiy- Laos, AQSh, Turkiya, Xitoy, Rossiya, Germaniya, Gollandiya, Qozog'iston va boshqa mamlakatlar ilmiy muassasalari va xodimlari bilan xamkorlikda aloqada ish olib bormoqda.

Xozirda kafedrada professor o'qituvchilari tomonidan QXA - 8 -02-2015 raqamli “Konkurs nav sinovida yangi kartoshka navlarini boholashning samarali usullarini ishlab chiqish va Davlat nav siniviga topshirish”, M.K.Lukov raxbarligida QXA – 8-093 raqamli “Moyli kungaboqarning geterozisli duragaylarini yetishtirish” mavzularida ilmiy loyiha ishlari bajarilmoqda.Kafedrada 8 ta professor-o'qituvchilaridan biriktirilgangan bo'lib kafedra biriktirilgan. Professor-o'qituvchilar 50 % ni tashkil qiladi.

So'nggi yillarda kafedrada ixtirolar soni 18 ta, chop etilgan darsliklar 7 ta, risolalar 20 ta, o'quv qollanmalar 20 ta va makolalar soni 600 dan oshib ketdi. Kafedra a’zolari D.T.Abdukarimov, T.X.Xodjaqulov va I.T.Ergashevlar kartoshka, bug'doy, arpaning yangi navlarini yaratganlik xaqidagi mualliflik guvoxnomalariga egalaridir.

Kafedra jamoasi mustaqil yurtimizni ravnaqi yo'lida tinimsiz mexnat qilib, o'z burch va vazifalariga mas’uliyat bilan yondashib, talabalarga chuqur bilim berish, tarbiyalash, ilmiy –tadqiqot ishlarini chuqurlashtirish, ularni ishlab chiqarishga joriy etish va samaradorligini oshirish borasida katta ishlar olib bormoqdalar.

Biz haqimizda | Yangiliklar | E'lonlar | Fakultetlar | Kafedralar | Markaz va bo'limlar

Bizning hamkorlarimiz:

                                                      

#fc3424 #5835a1 #1975f2 #2fc86b #fsmac9 #eef8239 #241013141550